Önnur atriði sem huga þarf að í almennum leik

Tilbaka

Önnur atriði sem huga þarf að í almennum leik

Fara í kafla

Opinberu reglurnar

ALeikhraði og hegðunarreglur

CAð veita aðstoð vegna reglnanna

Hluti 3 Hluti 5

Prenta hluta

Önnur atriði sem huga þarf að í almennum leik

Leikhraði og hegðunarreglur

Í þeim tilgangi að leikmenn njóti leiksins betur í almennum leik getur nefndin gripið til ýmissa ráða til að hraða leik og hvetja til góðrar hegðunar leikmanna, svo sem:

Fækka í ráshópum, lengja bil á milli ráshópa, innleiða auða rástíma (ræsisbil).
Hugleiða grundvallarbreytingar á uppsetningu vallarins, svo sem með breikkun brauta, lækkun og minni þéttleika karga eða minnka hraða flata.
Hvetja leikmenn til að leika af teigum sem henta þeirra getu.
Innleiða leikhraðareglur og hegðunarreglur.

Hér á eftir er fjallað um nokkur atriði sem nefndin ætti að hafa til hliðsjónar þegar leikhraðareglur og hegðunarreglur eru settar.

(1)

Bil milli rástíma

Of margir leikmenn á vellinum er algeng orsök fyrir því að umferðir taka lengri tíma en nauðsynlegt er. Því lengri tími sem er á milli rástíma, því betra flæði fæst í leikinn. Nefndi þarf þó oft að finna jafnvægi á milli þessa og að gefa sem flestum færi á að leika völlinn eða taka þátt í keppninni. Þegar leikið er með tveimur boltum er mælt með minnst 8 mínútum milli rástíma. Þegar leikið er með þremur boltum ætti að auka bilið í minnst 10 mínútur. Fyrir leik með fjórum boltum ætti að skoða 11 eða 12 mínútur milli rástíma. Þrátt fyrir að hæfilegt bil sé milli rástíma, þá geta myndast tafir á vellinum af ýmsum orsökum, svo sem leit að boltum eða að hola er óvenjulega einföld eða flókin í leik. Það er hægt að minnka áhrif þessara þátta með því að hafa auða rástíma inn á milli, eða "göt í ræsingu". Ef til dæmis ræst er með 10 mínútna millibili og nefndin hefur ónotaðan 10 hvern rástíma, þá myndast 10 mínútna hlé á 1. teig á 90 mínútna fresti. Ef tafir hafa myndast á teig framarlega á hringnum, þá ætti auði rástíminn að minnka áhrifin tafanna yfir daginn. Án auða rástímans er viðbúið að biðtíminn muni aukast á viðkomandi holu eftir því sem á daginn líður.

(2)

Leikhraðareglur

Eðli slíkra reglna þarf oft að ráðast af aðföngum sem eru fyrir hendi til að framfylgja reglunum á viðkomandi velli.
Til dæmis getur völlur með takmörkuðum fjölda starfsmanna einfaldlega gefið út að ætlast sé til að ráshópar haldi í við næsta ráshóp á undan eða að ætlast sé til að ráshópar leiki á innan við tilteknum tíma, en annar völlur kann að hafa einn eða fleiri starfsmenn til að vakta leikhraða og ræða við ráshópa sem hafa dregist aftur úr.
Að jafnaði er best að framfylgja slíkum reglum með agaviðurlögum. Slík viðurlög eru ótengd golfreglunum og það er á verksviði nefndarinnar að ákveða og framfylgja viðurlögunum.

(3)

Hegðunarreglur

Í almennum leik gæti nefndin sett upp auglýsingu í golfskálanum, eða á heimasíðu vallarins, þar sem fram kemur hvers konar hegðun eða klæðaburður sé óásættanlegur á vellinum, þar á meðal á tilteknum svæðum hans.
Að jafnaði er best að framfylgja slíkum reglum með agaviðurlögum. Slík viðurlög eru ótengd golfreglunum og það er á verksviði nefndarinnar að ákveða og framfylgja viðurlögunum.

Að fresta leik

Nefndin ætti að hugleiða hvernig hún myndi fresta leik ef talið er þess þurfi vegna veðurs. Frestun leiks er hægt að framkvæma á marga vegu, eftir því hversu margir starfsmenn eru til reiðu á vellinum, svo sem með merkjagjöf með lúðrum eða með tilkynningum til leikmanna.

Að veita aðstoð vegna reglnanna

Spurningar geta vaknað hjá leikmönnum í almennum leik um hvernig eigi að leysa úr álitamálum um reglurnar. Allir vellir ættu að tilnefna einstakling eða einstaklinga sem svara slíkum spurningum. Í mörgum tilvikum getur þar verið um að ræða kennara eða framkvæmdastjóra. Ef viðkomandi er óviss um rétta niðurstöðu getur hann borið málið undir viðkomandi yfirvöld reglumála.

SKOÐA FLEIRA

Hluti 1 Hlutverk nefndarinnar

Í golfreglunum er nefndin skilgreind sem sá einstaklingur eða hópur sem er í forsvari fyrir keppni eða völlinn. Nefndin er ómissandi til að leikur fari eðlilega fram. Nefndirnar bera ábyrgð á daglegum leik á vellinum og framkvæmd keppna, sem ætti alltaf að fara fram samkvæmt golfreglunum. Þessum hluta opinberu leiðbeininganna er ætlað að veita leiðbeiningar til nefndanna um hvernig þær geti best sinnt þessu hlutverki. Þótt mörg verkefna nefndarinnar snúist um að halda skipulagðar keppnir er mikilvægur hluti ábyrgðar nefndarinnar að sjá um völlinn í almennum leik.

Lesa hluta

Hluti 2 Merkingar vallarins fyrir almennan leik

Að merkja völlinn og halda þeim merkingum við er viðvarandi verkefni sem nefndin ber ábyrgð á. Vel merktur völlur auðveldar leikmönnum að leika eftir reglunum og minnkar líkurnar á misskilningi og óvissu hjá leikmönnum. Til dæmis kann leikmaður að vera óviss um hvernig hann eigi að halda áfram ef tjörn (vítasvæði) er ómerkt.

Lesa hluta

Hluti 3 Staðarreglur fyrir almennan leik

Staðarregla er frávik frá golfreglu eða viðbótarregla sem nefndin setur vegna almenns leiks eða tiltekinnar keppni. Nefndin ber ábyrgð á að ákveða hvort setja eigi staðarreglur og að tryggja að þær séu í samræmi við grundvallaratriðin í hluta 8. Nefndin verður að tryggja að allar staðarreglur séu aðgengilegar leikmönnum, hvort sem er á skorkorti, sérstöku blaði, tilkynningatöflu eða á vefsíðu vallarins. Staðarreglur sem setja má fyrir almennan leik flokkast þannig:

Að skilgreina vallarmörk og önnur svæði vallarins (hlutar 8A-8D).
Að skilgreina sérstakar eða breyttar lausnaraðferðir (hluti 8E).
Að skilgreina óeðlilegar vallaraðstæður og hluta vallar (hluti 8F).

Tæmandi lista yfir fyrirmyndir staðarreglna má finna fremst í hluta 8. Sjá hluta 5C varðandi aðrar gerðir staðarreglna sem eiga frekar við keppnir en almennan leik.

Lesa hluta

Hluti 5 Áður en keppnin hefst

Misjafnt er eftir völlum og keppnum úr hversu miklum aðföngum nefndir hafa að spila og því getur tiltekin nefnd e.t.v. ekki útfært allar tillögur sem hér koma fram. Í slíkum tilvikum verður nefndin að forgangsraða áherslum sínum fyrir hverja keppni. Undirbúningur áður en keppni hefst er óumdeilanlega mjög mikilvægur svo að keppnin gangi vel fyrir sig. Skyldur nefndarinnar við undirbúning felast m.a. í:

Lesa hluta

Hluti 8 Fyrirmyndir staðarreglna

Staðarregla er frávik frá golfreglu eða viðbótarregla sem nefndin setur vegna almenns leiks eða tiltekinnar keppni. Nefndin ber ábyrgð á að ákveða hvort setja eigi staðarreglur og að tryggja að þær séu í samræmi við grundvallaratriðin í hluta 8(1). Staðarreglur sem stangast á við þessar leiðbeiningar eru ekki heimilar og umferðir leiknar með slíkar staðarreglur í notkun teljast ekki hafa verið leiknar samkvæmt golfreglunum. Ef nefndin setur slíkar staðarreglur sem eru í ósamræmi við tilgang fyrirmynda staðarreglna, ætti að bera undir forgjarafnefnd hvort leikmenn megi skrá skor umferðar til forgjafar. (1)Leiðbeiningar við setningu staðarreglna Áður en staðarreglur eru settar ætti nefndin að skoða eftirfarandi leiðbeiningar: a. Staðarreglur hafa sömu stöðu og golfreglurnar fyrir viðkomandi keppni eða völl. b. Þótt nefndin hafi umtalsverðar heimildir samkvæmt golfreglunum til að aðlaga staðarreglur aðstæðum á tilteknum velli eða í tiltekinni keppni ættu allar staðarreglur sem nefndin setur að vera í samræmi við þá stefnu sem sett er í hluta 8. c. Hægt er að nota fyrirmyndirnar í heild sinni en einnig er hægt að nýta þær sem dæmi um hvernig skrifa eigi tilteknar gerðir staðarreglna. Ef nefnd breytir orðalagi fyrirmyndar að staðarreglu til að falla að sértækum aðstæðum á vellinum eða í keppninni ætti nefndin að tryggja að slíkar breytingar séu í samræmi við tilgang staðarreglunnar. Dæmi um breytingar á staðarreglu sem uppfyllir þessi skilyrði eru:

Auka umfang fyrirmyndar staðarreglu E-4 (lausn frá götun) svo hún gildi um skurð.
Auka umfang fyrirmyndar staðarreglu F-10 (Skemmd af völdum dýra) fyrir glompur.

d. Ef annað er ekki tekið fram ætti víti fyrir brot á staðarreglu að vera almenna vítið. e. Nefndin má ekki nota staðarreglu til að ógilda eða breyta golfreglu, af þeirri einu ástæðu að nefndin telur að reglan ætti að vera öðruvísi en hún er. Eftirfarandi eru dæmi um staðarregur sem eru ekki heimilar:

Að leyfa notkun ósamþykktra kylfa.
Að lengja leitartímann úr þremur mínútum í fimm mínútur.
Að heimila leikmanni að hafa fleiri en einn kylfubera í senn.

f. Samkvæmt reglu 1.3c(3) hefur nefndin ekki leyfi til að beita vítum á annan hátt en kveðið er á um í golfreglunum. Því væri óviðeigandi ef nefndin setti óheimila staðarreglu sem felldi niður víti eða breytti víti. Eftirfarandi eru dæmi um staðarregur sem eru ekki heimilar:

Að fella niður víti fyrir að leika frá röngum teig ef leikmaður leiðréttir mistökin innan einnar mínúta frá því högg var slegið.
Minnka refsinguna fyrir að slá högg með ósamþykktri kylfu úr frávísun í almenna vítið.
Veiti eins höggs víti fyrir að tilkynna ekki öðrum leikmanni áður en bolta er lyft til að bera kennsl á hann.

g. Ef staðarregla er samin á grunni fyrirmyndar staðarreglu í þessum hluta getur nefndin leitað aðstoðar R&A um túlkun staðarreglunnar. En ef nefndin semur sínar eigin staðarregur, kemur það í hlut nefndarinnar að túlka viðkomandi staðarreglu. h.. Ef staðarregla er sett vegna tímabundinna aðstæðna ætti að fella hana úr gildi um leið og aðstæðurnar breytast þannig að staðarreglunnar sé ekki lengur þörf. i. Fyrirmyndir staðarreglna í hluta 8 spanna þær aðstæður eða vandamál sem eru það algengar að það réttlætir gerð sérstakrar fyrirmyndar. Stundum getur staðarregla átt rétt á sér þó engin fyrirmynd sé til staðar. Þegar slíkt á við ætti nefndin að semja staðarregluna í eins skýru og einföldu formi og hægt er. Þó er mikilvægast að staðarreglan falli vel að yfirlýstum tilgangi golfreglnanna og fyrirmyndum staðarreglnanna. Til dæmis, að leyfa vítalausa lausn úr kylfuförum á snöggslegnu svæði er ekki í samræmi við grundvallarregluna um að spila völlinn eins og þú kemur að honum og boltanum þar sem hann liggur, sem sett er fram í reglu 1. Ef nefndin telur að staðarregla, sem ekki er að finna í þessum leiðbeiningum, sé nauðsynleg vegna staðbundinna aðstæðna sem fyrirbyggja sanngjarnan leik, ætti nefndin að ráðfæra sig við R&A. (2) Upplýsingar um staðarreglur Nefnin ætti að tryggja að allar staðarreglur séu apgengilegar leikmönnum hvort sem það er á skorkortum, með tilkynningum til leikmanna eða með stafrænum hætti. Þar sem styttri útgáfa staðarreglu er gefin út, t.d. aftan á skorkorti, ætti nefndin að tryggja að ítarlegri útgáfa textans sé tiltæk, t.d. á tilkynningatöflu eða á vefsíðu.

Lesa hluta

Hluti 9 Önnur leikform

Algengustu formum holukeppni, höggleiks og liða- og sveitakeppna er lýst í reglum 1-25. Í þessum hluta er fjallað um nokkur önnur afbrigði golfleiks. Ítarlegri lýsingu á þeim frávikum sem eru nauðsynleg á reglum 1-25 vegna þessara leikforma má finna á vefsíðunni RandA.org. Öll tilfelli sem ekki er fjallað um í golfreglunum eða öðrum breytingum á leikforminu sem í hlut á, ættu að ákvarðast af nefndinni:

Með tilliti til allra kringumstæðna, og
Á þann hátt sem er eðlilegt, sanngjarnt og í samræmi við hvernig svipaðar aðstæður eru meðhöndlaðar samkvæmt reglunum.

Lesa hluta